تسلم الصوره ومِنهو جابها تِعيدنا شكلٍ ومغزى للجدود

نشر بوساطة بكر هذال في الرياض يوم 10 - 11 - 2024

ما هقيت ان الصور من جوّ توخذ
لي وانا ماشٍ بميدانٍ منظّم
الحضارة جت لنا والعلم مِنقذ
والبداوة ساسنا وقمنا نْتعلّم
والإبل حسب الأمر والأمر ينفذ
جزء غالي من ثقافتنا وْترسَّم
من عن التاريخ راح بْعيد وانجذّ
ما تعلّم في الحياة وْلا تقدّم
محمد مقحم المقحم - الرياض
مشهد قديمٍ للبل او ركَّابها
لِبسٍ وتنظيمٍ كحراس الحدود
تسلم الصوره ومِنهو جابها
تِعيدنا شكلٍ ومغزى للجدود
كل رؤيه حسب شوف اصحابها
والاختلاف احيان بِه متعه وِفَوْد
والمملكه تراثنا يلقى بها
اهتمامٍ دايمٍ مالِه حدود
سعود عائش الحربي - جدة
اشوف اربع جمال عليها اربع رجال
صفت على جال الطريق تنظر تحرا
في مهرجان الخير واضح من الحال
ومن زيها اللي يذكر بالقديم ويسرا
ماضي سعيد لجيل وعاشوه الأبطال
على ظهور البل مجهزه للسير وتظرا
واليوم صارت اثارها للمناظر والأجيال
ذكرى عزيزه على وقت خير وشرا
حمد عبدالله الوايلي - حوطة سدير
الله على المنظر ادرونٍ يصوّر
أربع ركايب وضح وشعلٍ مغاتير
واللي يسوق الهجن لدربه يدوّر
متعودٍ على ركوب المواتير
صالح السنيدي - الحريق
صورة العدد السابق