التعليم فى مصر.. بيتنا الكبير وزارة التربية والتعليم نجح نجاحات كبيرة هذا العام فى إعادة الطالب إلى المدرسة، النجاح ده نجاح قوى يحسب لقيادات الوزارة الحالية، دا الحق، وبقولها ومن لسان المعلمين تقليص الكثافات بالفصول ساعد فى زيادة مساحة تركيز المعلمين مع الطلاب.
لكن هناك أمور تحتاج إلى نظرة من الدولة وليس الوزارة وحدها.
ماذا نحتاج ؟
١- اصدار قرار تنظيمي داخلى يحدد عودة معلم الفصل إلى تخصصه الاصلى بعد الغاء مسمى معلم فصل. لأن تخصصات اللغة الانجليزية والعلوم والدراسات حتى تاريخه بيشرحوا عربى وحساب فى الفصول فى بعض الادارات. كيف ذلك ونحن نبحث عن جودة تعليم الطالب ؟
٢- تحويل جميع المدارس الثانوية إلى مدارس ثانوية عسكرية. الجيل الحالى من بعض الطلاب نظرتى ليه ك اب ( جيل محتاج يتشد ويعود إلى الانضباط اكثر مما سبق )
٣- فيه عجز شديد فى عمال النظافة والاداريين. محتاجين نظرة إلى ذلك.
٤- العجز فى المعلمين يحتاج نظرة جديدة من الدولة ومن الوزارة.
تعيين بديل لمن خرجوا للمعاش لأنهم تجاوزوا عدد الـ ٣٥ الف سنويا.
تقليص عدد الحصص فى بعض المراحل من خلال إعادة النظر فى منظومة تقييم الطلاب (
تقليص الواجب المنزلى والتقييم الاسبوعى ) كدا ح اقدر
اوفر حصة من مادة اللغة الانجليزية ابتدائى واعدادى وثانوى.
نفس الكلام حصة فى الرياضيات فى تانية وتالته اعدادى.
نفس الكلام بالثانوى العام ح اوفر حصة فى مواد العلوم والانجليزى والرياضيات بالثانوى العام. الكلام ده مش موضوع انشاء. يا ريت الوزارة تفكر فيه بجد وبدون حرج. لأنه ممكن يوفر لمصر ام الدنيا كتير اوى.
٥- تدوير مديرى ووكلاء المدارس بصفة دورية عقب نهاية كل عام دراسى. م ينفعش اشوف واحد مستمر مكانه مدى الحياة ويجدد له تلقاني كل عامين.
٦- قانون الكادر محتاج تعديل شامل.. مين فكر فى ده.. هناك أزمات للمعلمين مصدرها القانون. نتمنى التعديل الشامل لوقف الضرر الواقع على المعلمين.
