مواقع التواصل تمثل أهمية نعرف منها مطالب الناس.. احيانا كثيرة نكون مطالبين بالصبر لأن هناك خبايا أمور لم يحن وقت الإفصاح عنها وأحيانا يكون العلاج سريعا وحاسما ومنجزا.. مصر ام الدنيا فعلا وليست مقولة. مين قادر يستغنى عنها ف العالم. مفيش حد قادر يستغنى عن دور مصر وأهمية مصر. لذا نتحدث عن بعض أمورنا التى يتحدث عنها الناس ومنها:-
١- الناس بتطلب تثبيت العمالة المؤقتة. انت محتاجهم للشغل ومتعاقد معاهم ليه مش عامل ليهم تثبيت. الشباب دى ثبتها علشان تطمن وتعطيك شغل اكثر.
٢- عندك عجز معلمين وعندك شباب كتير بتعمل بنظام الحصة ليه م تعملش مسابقة كبيرة العدد وتعين شباب اكتر بدلا من الشغل الموسمى والكلام ليس الوزارة.. بل لكل من بيده قرارات التعاقد والتعيين لأن الإهتمام بالتعليم يبدأ من استقرار هيئة التدريس.. كذلك التصريحات عن حجم عجز المعلمين والفصول يجب أن يتوقف تماما. لأنه بيجعل الخلايا السلبية تظهر لانتقاد الموقف نحو التعيينات.. حافظوا على الاستقرار بالسرية.. علشان الخلايا السلبية وجملتهم السلبية ( هم مش عايز حد.....)
٣- بتتكلم عن تحويل الدعم إلى دعم نقدى خلال الفترة المقبلة.. لكن هل تضمن ان التضخم لا يزيد ويصبح الدعم النقدى بلا قيمة لأن الناس كدا ح تشترى من السوق مباشرة. دا المفهوم ليا كمواطن لغاية م تشرحوا لينا وتفهمونا. فهمونا الفكرة قبل اقرار التطبيق لو سمحتم.. هل نضمن عدم تحكم السوق فى الأسعار والناس طالما مش ح تعطوا الناس سلع مدعومه وح تعطوهم مبالغ ماليه يشتروا بيها من السوق.
٤- تحدثتم عن التفكير فى حزمة اجتماعية ثم اختفت التصريحات. ! الناس بتقول الكلام دا ح يتنفذ امتى ؟
٥- التدوير فى التربية والتعليم لا بد من التنبيه على المديريات التى لم تقم بتدوير وكلاء الادارات. اسرعوا شوية.. ثم تدوير مديرى ووكلاء المدارس ونبدأ بالأقل عددا وهى تدوير مديرى ووكلاء المدارس الثانوية ثم الاعدادى ثم الابتدائى. لازم التدوير وضرورى جدا.
٦- تدوير مديرى الادارات الخدمية الأخرى وانتشار مفتشى التموين بالأسواق. ما الموقف منه ؟
٧- هل الدولة مستعدة لمواجهة العجز الذى سينتج فى حالة إقبال موظفى الدولة على التقدم للمعاش المبكر فى يناير ٢٠٢٥ ؟ لأن الكثير يتساءلون على مواقع التواصل عن ذلك الأمر.
أخبار متعلقة :