سر رفض مصطفى قمر المشاركة بحفلات "التسعينات"

وقال مصطفى قمر خلال حواره مع الإعلامي عمرو الليثي في برنامج "واحد من الناس" المذاع عبر قناة الحياة: "أنا لما يطلبوني في حفلة اسمها تسعينات أقول لهم لأ، إنتو عايزين تصنفوني في منطقة التسعينات؟"

وأضاف: "أنا تسعينات وألفينات و 2010 و 2020، بدليل إني عملت أغاني زي مناي وحبيب حياتي، وعملت حريم كريم ونجاحات جبارة في الألفينات، ولغاية قريب عملت ديو لطيف مع محمد نور في أغنية شوفتوا القمر وكسرت الدنيا، ودلوقتي أغنية صناعة مصرية".

وتابع مصطفى قمر أنه لا يحرص على غزارة إنتاجه من الأغنيات المصورة بطريقة الفيديو كليب قائلا: "أنا تأثرت بالأسطورة مايكل جاكسون، مكانش بيصور أغنية غير لو فيها حاجة مختلفة".

وأشار: "الموضوع مش إني كل أسبوع أنزل أغنية سنجل، الأغاني دي كلها هتروح، ولو أنا عايز أجمع فلوس ممكن أعمل بيزنيس، إنما في الفن الفلوس مش الهدف الأول".

يمكنك مشاركة الخبر علي صفحات التواصل