رد فعل مديحة حمدي بعد علمها بإصابة زوجها بورم.. 6 شهور ويفارق الحياة

وقالت مديحة حمدي: "هو كان نازل يصلي الجمعة، وهو راجع حصل له دوخة وفي ثواني وقع، والناس خدوه المستشفى عمل الجبس ورجع".

وأضافت: "أنا كنت مسافرة ونزلت من الطيارة على مستشفى الشرطة لقيته فيها، وتاني يوم شالوا الجبس وعملوا أشعات مظبوطة واكتشفوا ورم من الدرجة الرابعة، وإن الحالة فاضل لها 6 شهور".

وتابعت مديحة حمدي: "طبعا مقدرتش أقول لأولادي، ورد فعلي حسيت إن ربنا بعتلي بيبي جديد أحطه في حجري، أحلى بيجامات نزلت اشتريتها له، ويوميا الكريمات في إيديه ورجله والبرفيوم اللي بيحبه".

وأوضحت مديحة حمدي أن زوجها الراحل شعر باهتمامها الشديد به قائلة: "سألني ليه مش بتنزلي الشغل، قلت له أنا تعبت وعايزة أتمتع بأولادي وأحفادي، وأخدنا جناح في المستشفى وقعدت معاه، ومكنتش بعتمد على أي تمريض".

ووجهت مديحة حمدي رسالة إلى زوجها الراحل قائلة: "أنا بعد ما توفى حسيت إني كنت في طيارة ووقعت، كل حاجة هو كان بيعملها بمسمى إنت ست البيت، وأقول له ما تسيبناش تاني".

يمكنك مشاركة الخبر علي صفحات التواصل