نجل طارق عبد العزيز يحيي الذكرى الأولى لوفاة والده

نشر معتصم طارق عبد العزيز صورة لوالده وكتب: عدت سنة كاملة عنوانها الصبر.. سنة خيالك فيها ما فارقنيش ولا كلمة ولا موقف إلا أما افتكر كنت هتقول فيه ايه وكنت هتشوفه ازاي وهتقولي اتصرف ازاي.. سنة يا حبيب العمر يا سيد الناس يا طيب يا كريم يا جابر الخواطر يا محترم يا جدع يا أصيل يا كل المعاني الحلوة يا أبويا يا بطل العالم في شيل الحمول والمسئوليات اللي تخصك واللي متخصكش.

أضاف: كنت هترد تقولي “متخصنيش ازاي مادام ربنا جعلها قصادي تبقى تخصني”.. الله يرزقك جناته وفردوسه الأعلى وأن يجمعنا على خير ويديم سيرتك الطيبة في الدنيا وأفضل اسمعها واحكيها علشان نتعلم منك ومن كل الطيبين اللي سبقونا.

يمكنك مشاركة الخبر علي صفحات التواصل