نصحته مرة واتنين وتلاتة .. مدحت شلبي ينتقد تصرفات لاعب الأهلي

وقال مدحت شلبي، في تصريحات ببرنامج «يا مساء الأنوار»، المذاع عبر فضائية «إم بي سي مصر»: «كهربا له كل الاحترام، هو كان متصور في وقت من الأوقات إن أنا ضده بالعكس إطلاقًا أنا مش ضد أي حد، الجميع بدون استثناء في القلب والله، مفيش بيني وبين حد أي حاجة على الإطلاق».

وأضاف: «كهربا، تصور إن أنا ضده وطلع في كذا برنامج وقال (الوحيد اللي عمري ما هطلع معاه هو مدحت شلبي)، أنا عمري ما أزعل من الكلام ده هو زي ابني أو أخويا الصغير».

وتابع: «أنا نصحت كهربا، مرة واتنين وتلاتة لأنه لاعب مميز، لكن كهربا معرفش يحافظ كويس على موهبته، ربما المحيطين به محطهوش على التراك، أنا حاولت أحطه على التراك لكن الموضوع مكنش سهل».

وأتم: «المشكلة في كهربا، أنه دفع 70 مليون جنيه لنادي الزمالك، ويتبقى 7 مليون جنيه، النادي الأهلي أعطى له عقده مقدمًا لمساعدته في سداد الغرامة، بالإضافة إلى بعض رجال الأعمال»، مضيفًا: «النادي الأهلي رفض مساعدته في الغرامة، لأنه أمر غير قانوني، الزمالك حصل على شيك من كهربا، بقيمة 7 مليون من شهر إبريل الماضي، الشيك لم يحصل حتى الأن، ربما كهربا، مش معاه مبلغ يغطي الشيك، بالتالي تقدم الزمالك ببلاغ ضد اللاعب».

يمكنك مشاركة الخبر علي صفحات التواصل