محدش كاسر عيني .. أحمد سليمان يرد علي حملة الهجوم ضده بسبب "شبشب"

وقال أحمد سليمان، في تصريحات تلفزيونية عبر فضائية «إم بي سي مصر»: «أنا طالع من عملية كبيرة أول مرة في حياتي اتعرض للضغط ده، محدش راعي إن عندي حالة صحية وتعرضت لهجوم غير طبيعي ولا أعلم سببه».

وأضاف: «لا أنظر لهذا الهجوم، لدي خبرات التعامل مع هذه المواقف بهدوء واتزان، أمور كثيرة حصلت الفترة الماضية لم أتأثر بها، اللي زعلني إن ناس من جوه نادي الزمالك تكون وراء هذا الهجوم، أنا ماستحقش هذا الهجوم بعد كفاحي لعدة سنوات تركت شغلي في وزارة الداخلية والتدريب من أجل نادي الزمالك».

وتابع: «بعد حبس أحمد فتوح، حسين لبيب، كلمني وقالي تعالى إحنا في ظروف صعبة أنا نزلت بالشبشب وبنطلون البيجامة».

وأكمل: «اللي زعلني إن بعض الصور طلعت إني لابس شبشب، أنا رجلي وارمة، أنا شايل الشرايين من رجلي، فالأحذية مش بتدخل في رجلي عشان كدة بلبس شباشب، في ناس بتعلق على إني بلبس شبشب! الناس مراعتش ظروف مرضي، أنا من المفترض أكون حاليًا في فترة التقاهة ولكن نزلت الظروف الصعبة التي يمر بها نادي الزمالك».

وواصل: «في ناس بتحارب محمود بنتايك، (لاعب نادي الزمالك الجديد) عشان أحمد سليمان، هو من طلب التعاقد معه! إنت كده زملكاوي».

وأكمل: «محدش كسر عيني في كرة القدم ومحدش جاملني في حاجة كله بشغلي دخلت انتخابات الزمالك وحصلت على أعلى الأصوات وقدمت استقالتي من مجلس مرتضى منصور وهذه المرة رفضت الترشح على منصب الرئاسة حبا لنادي الزمالك».

واستكمل: «نصيحة للناس مش هتقدروا تكسروني لأن محدش كاسر عيني، طوال فترة عملي في كرة القدم».

يمكنك مشاركة الخبر علي صفحات التواصل