صاحب أشهر محل حلويات في دمياط يروي لـ "صاحبة السعادة" أسباب شهرته

خصصت الإعلامية إسعاد يونس، في حلقة اليوم برنامج "صاحبة السعادة" الحديث عن محافظة دمياط، وأبرز ما تشتهر به تلك المحافظة، وأبرزها صناعة الحلويات والأثاث والمأكولات البحرية وغيرها.

واستضافت في الفقرة الأولى من البرنامج الذي يذاع على قناة "dmc"، صاحب محل حلويات جلال بلبول، والذي قال: "القصة بدأت في الأربعينات، بعربية حلويات في رأس البر على النيل، عملها جدي سيد بلبول، والدنيا مشيت وعملنا محل على النيل في الخمسينات".

وأضاف: "أخدنا أكتر من مكان في السوق العمومي وعلى النيل، ونزلنا دمياط، وأخدنا أكتر من مكان وتشعبنا في المدينة، ولما بيجي موسم الصيف والناس تيجي تصيف، كانوا بيشتروا من بلبول، وكان محافظات مصر زمان بتصيف في راس البر، وكانت المصايب في الفترة دي قليلة أوي".

وتابع: "احنا 5 أخوات، واحنا الجيل الرابع من التأسيس، ومكملين على نفس الاسم، وبلبول ده اسم العيلة، وأنا اسمي سيد على اسم جدي الكبير، والاسم التجاري بتاعنا، سيد بلبول، علشان كدة بنسمي أولادنا بنسميهم سيد".

وقال: "عندنا فروع في كل حتة، دمياط وبورسعيد والمنصور وجمصة، ووصلنا الساحل الشمالي الموسم ده".