أصدر القضاء الإيطالي حكما بالسجن المؤبد ضد مصريين، بعدما ارتكبا جريمة قتل بشعة في إيطاليا بحق شاب آخر مصري يبلغ من العمر 18 عاما.
وقال شقيق الضحية لموقع "القاهرة 24" المصري: "المحكمة حكمت بالمؤبد على الشخصين اللي قتلوا محمود، وده بعد سنة من الواقعة".
وتابع: "محمود طفل صغير عنده 18 سنة، واشتغل في أحد صالونات الحلاقة في إيطاليا، والصالون ملك لمصريين واحد فيهم عايش في القليوبية، وكان محمود محبوب جدًا من الإيطاليين، وجاله شغل تاني من محل حلاقة، وراح هناك عمل مقابلة واتقبل".
وتابع: "أصحاب المحل المصريين اللي بيتشغل فيه محمود، رفضوا أنه يسيب الشغل، وهددوا صاحب المحل الجديد، أنه ميشغلش محمود عندهم، لكن محمود قالهم لو مسبتونيش هعمل فيكم محضر، فهما خافوا لأن المحضر لو اتعمل، ممكن يجيلهم غرامة تصل لـ 10 آلاف يورو".وبالنسبة لدوافع قتل الشاب الصغير محمود، قال شقيقه: "المصريين اللي شغالين في المحل بـ إيطاليا لما محمود هددهم، تواصلوا مع صاحب المحل الموجود في مصر، وقالهم اقتلوا محمود، والكلام ده في اعترافات اللي قتلوا محمود، شريكه في المحل وشقيقه، المتواجدين في إيطاليا".
وفي شهر أغسطس من العام الماضي، هزت جريمة قتل بشعة مدينة جنوة الإيطالية، حيث عثر على جثة مصري مقطعة الأوصال في أحد المصارف المائية، مما أثار الرعب والفزع في أوساط المجتمع الإيطالي.
وأظهرت نتائج تحقيقات الشرطة الإيطالية، أن سبب وفاة الشاب محمود. س، البالغ من العمر 18 عامًا، هو النزيف الحاد الناتج عن عدة طعنات غائرة أصابت أجزاء حيوية في جسده، مثل القلب والبطن.
